Кровавыи
Кровавый - кровавыи, -ая, -ое; кровавъ, -а, -о (5)
1. Прилаг. к слову кровь.
Сокъ тоѣ травы всякое течение кровавое составное, тако и ноздряное уиметь. Травник Любч., 183 (XVII в. ← 1534 г.).
|| Образно:
Ту кроваваго вина не доста; ту пиръ докончаша храбріи Русичи: сваты попоиша, а сами полегоша за землю Рускую. 18.
|| Наполненный кровью, с кровью.
Аз же онѣхъ от образа, и от кровавых очию, и от скрештаниа зубъ глаголаная от нихъ силы назнаменавах. Александр., 108 (XV в. ← XII в.). Смотря бо роду человѣчьскому яко не можеть мяса [кро]вава ѣстѣ, не крови пити, преложи тѣло свое въ хлѣбъ, и кровь свою въ вино. Сб. Тр. № 12, 29 (кон. XII - нач. XIII в.). Къ велицѣи же и къ кръвавѣи жилѣ прилежетъ етра, привѣшена же есть к неи слезена; имут же етра и слѣзена свою къждо кървавицу простръту от великые кръвавые жилы. Шест. Ио. екз., 221 (1263 г.).
|| Смешанный с кровью.
Множество же вои обоихъ покрыша землю и море, и сѣчено бысть толико вои Антониевъ и Клеопатры въ кораблемъ сѣчи множество же, яко водѣ морстѣи съ кровию смѣсившися, влънамъ кровавымъ являтися. Хрон. Малалы, IX, 14 (XV в. ← XIII в.). И абие нача (отрок) пружати ся и пѣны тещи кръвавыя, и лѣжа долго без душа. Прол. 1383 г., 47.
∆ Як у том мѣсцѣ у Кистринѣ / Да бьется Орда уже три дни, / ... Течуть рѣчки, да все кровавыи, / Через тѣ рѣчки мостять мосты, / Мостять мосты, да все головками, / Головками да все Московськими. Максим. Нар. укр. песни, 1, 116. Ой гляне пан Перебійніс / На правеє плече: / Аж із ляхів, аж із панів, / Кровавая річка тече. Ант. и Драг. Истор. пес. малор. нар., II, 43. Вынуў я, матушка, острюсенькии мі́ѐч, / Зняў я ему, матушка, голо́у̀ўку з плі́ѐч / ... Цекли, плыли, ріечки крывавыя, / Плакали рыдали вду́о̀ўки молодыя. Шейн. Белор. сб., I, 1, 489.
2. Окровавленный, залитый кровью:
Единъ же Изяславъ, сынъ Васильковъ ... притрепа славу дѣду своему Всеславу, а самъ подъ чрълеными щиты на кровавѣ травѣ притрепанъ Литовскыми мечи. 33-34. Немизѣ кровави брезѣ не бологомъ бяхуть посѣяни, посѣяни костьми Рускихъ сыновъ. 36. Полечю, рече, зегзицею по Дунаеви; омочю бебрянъ рукавъ въ Каялѣ рѣцѣ, утру князю кровавыя его раны на жестоцѣмъ его тѣлѣ. 37-38.
И рѣхъ къ нему (старцу): „Съдравъ ли е львъ?". Отвѣща ми рекы: „Не съдравъ". „... Въчера приде сѣмо, да ему дамь ясти, и узьрехъ ему пабрадъкъ вьсь кръвавъ". Патер. Син. (рук.), 113-113 об. (XI в.). И повелѣ отроком, и растягоша я (мужей нарочитых), и биша я маглавиемъ по персѣмъ и по плещема, донде же крови потекши, и кости явишася... И Иосифъ же, двѣри отвръзъ, внезапу испусти я кровавы. Флав. Полон. Иерус., 289 (XVI в. ← нач. XII в.). 1097: И бысть везому ему (Васильку), сташа с ним ... на торговищи, и сволокоша с него сорочку, кроваву сущю, и вдаша попадьи опрати. Пов. врем. лет, 173 (1377 г. ← нач. XII в.). Оже придеть кръвавъ муже на дворъ или синь, то видока ему не искати, нъ платити ему продажю 3 гривны. Пр. Рус., 124 (1282 г. ← XII в.). 1232: Потом же видивъ брата добрѣ борющася, и сулици его кровавѣ сущи, и оскѣпищю исѣчену от даренья мечеваго. Ипат. лет., 768 (XV в.). Бодоми не падають, сѣчемии не бѣгаютъ, единъ мужь погуби всѣ вои, посредѣ же стоить кровавъ, кореньемъ желѣзнымъ подътверженъ, и не хощеть пасти. Пчела, 46 (XIV в. ← XIII в.). Видѣ же и стезя стопы ея (блудницы) кровавы: бѣ бо боса. Панд. Ник., 173 (XIV в.). Приступи (разбойники) къ Иоану, съ слзами лобызая и токмо десницю свою кроя: кровава бо бяше и еще. Прол. БАН-II, 43 (XV в.).
∆ Послал онъ (Иван) за гнедымъ туромъ сто человѣкъ и велелъ поимать ево бережно без тои раны кровавыя. Кирша Д., 58. Пустили три татарина поганыих / Тыя стрелочки каленыя / Во его в бока во белыя: / Тут Сухмантий Одихмантьевич / Стрелочки каленыя выдергивал, / Совал в раны кровавыя листочики маковы. Рыбн. Песни, II, 341. И уже бьют да нас, победных, без повинности, / И до ран да бьют, родитель, до кровавыих, / И до умертвия, победных, бьют головушек, / И скрозе строй гонят, бессчастных, нас солдатушков. Барсов. Причит. Сев. кр., II, 220. Бо застрѣлив пан Каневскій бондаровну з лука / ... Куда несли бондаровну кровавая стежка. Головацк. Галицк. нар. песни, 1, 68.
|| Перен. Запятнанный кровью, принимавший участие в злодеяниях.
Ти болѣ украсиша святое мѣсто своимъ даяниемъ, идалеча (так!) видяща окрьстьнаа стѣны, трепещуть. А иже родилися в нас и въ законѣхъ, и въ обычаих июдѣискыих възрасли суть, кровавыми ногами скачють по ереискым мѣстом. Вы же, вѣдуще дѣла их, сель скверна и богогнусна, не устрашитеся множства ихъ. Флав. Полон. Иерус., 331-332 (XVI в. ← нач. XII в.). И осквернишася всеми нечистыми дѣлесы. Женскыи же образ носяще, рукы кровавы имяху. Хожениемь совеющеся, внезапу являхуся убиица и, меча искусить вынимающе, вся приобрѣтаемая сѣчаху. Там же, 351-352.
3. Цвета крови (алый, багровый, красный), образно - о предвестии несчастья:
Другаго дни велми рано кровавыя зори свѣтъ повѣдаютъ; чръныя тучя съ моря идутъ. 12.
1065: В си же времена бысть знаменье на западѣ, звѣзда превелика, лучѣ имущи акы кровавы, въсходящи с вечера по заходѣ солнечнѣмь. Пов. врем. лет, 110 (1377 г. ← нач. XII в.). 1161: В то же веремя бысть знамение в лунѣ ... и бысть образъ ея яко скудно, черно, и пакы бысть яко кровава, и потом бысть яко двѣ лици имущи - одино зелено, а другое желто. Ипат. лет., 516 (XV в.). Инии же камение пращами метаху, и яко тучя съ небесе идяше, и яко покрытися свѣту дьневному. Велико же смѣшение бѣ биющихъ и бьемыхъ. ... Небо же бо бяше помраченно и кроваво. Александр., 64-65 (XV в. ← XII в.). Уже бо всташа силнии вѣтри с моря, прилелѣяша тучю велику на усть Нѣпра, на Русскую землю. Ис тучи выступи кровавыя оболока. Задон. К-Б, 549 (XV в. ← XIV в.). Прилѣлѣяшас(я) великиа тучи по морю на Рускую землю, из них выступают кровавыя зори. Задон. Ист.-1, 542 (кон. XVI - нач. XVII в. ← XIV в.). Бывши же святѣи службѣ в год причастия святых таинъ, приступающе и видяще лица кацѣ, грѣхомъ кто повиненъ есть: овѣмъ лица бяше яко очадѣла, а другим яко огнена, а инемъ кровава и темна. Измар., 82 об. - 83 (XVI в. ← XIV-XV вв.). 1430: Въ Смоленьсце явися волкъ голъ, безъ шерьсти, и много людеи ѣлъ, а въ Троцехъ озеро стояло семь днеи кроваво. Ерм. лет., 146 (XV в.). И солнце въсиа на воды, и видѣ Моавъ противу на водах яко луча кровавы, и рече: Кровь си есть от оружиа. Библ. Генн. 4 Цар. III, 22-23 (1499 г.).
4. Кровопролитный, сопровождающийся кровопролитием.
И мѣсяць бысть яко кровь ... также омрачное тьмное и кръвавое прѣщение являеть, на нихъ же будеть божии гнѣвъ. Апокал. 33-33 об. (XII-XIII вв.).
Образно (о пире-битве).
∆ Наехал Егорий на стадо птиц: „Птицы синицы, / Летите вы на море, / На пир на крававай". Афан. Лег., 186.
|| Добытый, приобретенный через кровопролитие.
И убѣжавшим имъ къ цьръкви, идумѣи разграбиша Иоананово стяжание, то бо дворъ бысть сохранилище кровавых сокровищь его. Флав. Полон. Иерус., 352 (XVI в. ← нач. XII в.).
● Кровавые слезы - слезы, вызванные сильным горем, страданием.
Тогда восплачют цари и князи горцѣ велми, кровавыя слезы испущающе. Измар., 359 (XVI в. ← XIV-XV вв.).
∆ И зговоритъ благовѣрная царица Елена: „Ои еси ты Илья Муромец с товарищи! отпустите вы Тугарина Змиевича; утрите вы слезы кровавыя, не нанесите на себя клятвы вѣчныя". Былины Тихонр., 51. На чужинѣ блукаюся, / Марне сво̃й вѣк трачу, / За слезами кръвавыми / Свѣтонька не бачу. Головацк. Галицк. нар. песни, 1, 279.
◊ Кроваваго - род. пад. ед. ч. Ср. р.; кровавѣ - предл. (мест.) пад. ед. ч. ж. р. крат. форма; кровави - им. пад. мн. ч. м. р. крат. форма; кровавыя - им. пад. мн. ч. ж. р.; кровавыя - вин. пад. мн. ч. ж. р.